Luk 21:20-24 | YomNWM | STEP | —Bu luela mona masodi mazungididi Yelusalemi buna luzaba ti dieka nduka bungu.

Luke 21:20-24

(Matayi 24.15-25 ; Malako 13.14-19)

20 —Bu luela mona masodi mazungididi Yelusalemi buna luzaba ti dieka nduka bungu. 21 Buna bika batu bobo badi mu Yuda batinina ku miongo. Bika bobo badi mu Yelusalemi baba tomba butinina. Bika bobo badi mu zitsola babika buela kota ku divula ! 22 Bukiedika bilumbu bina biela ba bilumbu bi vutudila landi muingi mambu moso masonama madedakana.

23 Vayi mabienga kuidi baketo bobo badi mu buemba ayi kuidi bobo bela yemika mu bilumbu bina. Bila ziphasi zingolo ziela ba mu tsi ayi nganzi yingolo yela fuemunu batu baba. 24 Batu beni bela vondulu mu mbedi voti bela natu mu kivika mu zitsizioso ayi bapakanu bela diatila Yelusalemi nate thangu yi fuana.